資料來源: unwire.hk

暑假到啦，各位 wire 民或者會考慮外遊，除了要計劃行程，揀一個合適的數據漫遊都非常之重要，生活繁忙的香港人習慣去到每個地方都要打卡，又要同朋友保持聯繫，食每一餐更是「相機先食」上傳 ig、Facebook同朋友「些牙」。SmarTone 近期推出全新「無形 WiFi 蛋」服務，無需換 SIM 卡，推廣期間首日免費，之後日費更低至 5折，點先至抵用又可以用到盡？而家就等小編教各位 wire 民喇。

相信唔少 wire 民都試過租用 WiFi 蛋，但每次都要先選定使用的日數，再預先網上付款，出發前及回港後又要再花時間交收，最大缺點就是有連接上限，如果一家大細去旅行就可能要額外租多一隻，變相要雙倍收費。至於上網卡，一來又驚去到先發現用唔到，加上又要換卡又要set APN，好麻煩！

用當地 SIM 的慘痛經歷

小編對去到當地先買 SIM 卡就有唔太好的親身經歷，記得上次去台北玩，飛機嚴重 Delay，最後凌晨 3 點才到達，當然機場內所有電訊公司都已關門，甚至連酒飯店都差少少去唔到！但問題接二連三出現，第二朝一早打算親身到電訊公司門市開 SIM 卡，安心完成整個旅程，但點知回港又是另一個惡夢，遺失了香港的 SIM 卡！最後，當然是補領新 SIM 卡，如果有得揀，小編日後去旅行都未必會再用買SIM卡。

「無形 WiFi 蛋」是乜東東？

SmarTone 的「無形 WiFi 蛋」，簡單來說就是「機蛋合一」，將手機變成 WiFi 蛋，可以讓客戶盡享傳統 WiFi 蛋的優點，以固定日費任用漫遊數據，更可與旅伴分享漫遊數據，但省卻交收及攜帶等麻煩。「無形 WiFi 蛋」覆蓋12個亞太熱門旅遊地區包括中國、印尼、日本、澳門、馬來西亞、菲律賓、新加坡、南韓、台灣及泰國，仲包括埋澳洲及紐西蘭，更覆蓋至其他52個地區。

真正用幾多收幾多日錢

各位 wire 民，如果你係 SmarTone 客又未用過無形 WiFi 蛋，只要在出發前透過 SmarTone CARE、24小時服務熱線 2880 2688或者 SmarTone 任何一間門市，只需作一次登記，以後出外到埗後即時使用，而且只需支付使用服務的日費，不似傳統 WiFi 蛋收取預先設定的日數費用，外遊時用幾多收幾多，玩得開心又放心。再加上用「無形 WiFi 蛋」，大家可以繼續用自己的 SIM 卡，可以避免 SIM 卡遺失的問題，更加可以正常接聽香港電話，而且每個熱門地區都有 2 個電訊商可以選擇，萬一其中一個出現問題都有後備可以用。

方便過租傳統 WiFi蛋

與傳統 WiFi 蛋比較，SmarTone 的「無形 WiFi 蛋」無需上網預訂，又無需交按金，最方便就是用幾多日收幾多日錢，亦無需為 WiFi 蛋額外帶多個「尿袋」幫隻蛋充電，旅行時就更輕便。對鍾意彈性旅行的 wire 民來說，「無形 WiFi 蛋」就更有彈性，就算臨時更改行程都不怕會有額外的罰款，用多幾日只是照額收費。而且無連接上限，主要睇你的手機可以連接幾多部其他裝置，多幾個朋友一齊用都可以支援到。

SmarTone 仲有「夏日優惠」平過租 WiFi 蛋

如果打算去中國同澳門玩，即日起至 8 月 31 日，每逢星期六/日/公眾假期，可享半價 $34 優惠。當然，暑假大家都可能會去其他地方旅行，即日起至 31/7、11-31/8、11-10/9 就分成三個階段，每個階段均可享首日免費，第二日 8 折，第三日 7 折，第四日 6 折，第五日之後仲有半價！咁究竟實際可以平到幾多錢？舉個例子就一目了然啦！

第一程

台灣第一天：日費全免
台灣第二天：日費 8 折（$68 x 80% = 折後 $54.4）
台灣第三天：日費 7 折（$68 x 70% = 折後 $47.6）

同月第二程

上海第一天：日費 6 折（$68 x 60% = 折後 $40.8）
上海第二天：日費半價（$68 x 50% = 折後 $34）
上海第三天：日費半價（$68 x 50% = 折後 $34）

根據以上的計算方法，去 2 個地方共 6 日，就已經節省了接近 $130，每日平均只需約 $35，換言之去得越多慳得越多，比租 WiFi 蛋更抵玩！

真無限任用？

不過這個「無形 WiFi 蛋」又有咩限制呢？雖然不設用量上限，理論上不會因為超出用量而「斷網」，不過要注意每日用量達 300MB，上網速度會調整至最高 128kbps，雖然變慢，但仍然不限量，就唔怕爆流量後與世隔絕啦！

300MB 可以點玩？

可能各位 wire 民或者會覺得每日 300MB 未必好夠用，但其實去旅行都好少會上YouTube 睇片這類消耗大量數據的上網活動。最常用就是搵 Google Maps、搵景點、計劃行程、打卡或者與朋友 WhatsApp 等無需使用太多數據，等小編逐個 item 計比你睇啦!

▲根據官方的說法，Google Maps 瀏覽實景的用量需 500KB 到 1MB 一頁左右，以每日 300MB 來計算，就已經可以瀏覽 300-600 頁，一日查足 300 個景點都得啦！

▲除了地圖，仲要上網 Check 景點同即時新聞都是必備的一環，瀏覽網頁的用量比地圖多少少，瀏覽新聞同旅遊資訊，大約 1.5MB 一頁，以 300MB 為上限，每日可以睇 200頁，點用都夠啦！

▲甚至香港人最愛的 Facebook 打卡又要用幾多流量呢？發布一篇純文字加打卡的 Post，大約就 50KB，連埋一張照片都只是 600KB，一日放足 500 篇都仲得！

▲至於出門最重要就係平平安安，用 WhatsApp 聯絡親友報平安，齋文字內容都不過 10KB 一條，連埋照片都只是 400KB 一條，一日 750條 Messages 都唔係問題啦！

▲旅行時都會用唔少「搵食」或者計劃旅程的應用程式，而一般應用程式都佔 1.5MB 左右一頁，加加埋埋都可以睇成 200幾頁，小編就試用「搵食」App Yelp 同埋 Plan 行程 App「步步行程助手」，每個頁面都唔洗 1MB 就可以載入，絕對係旅行的好幫手！

▲最後，日理萬機的香港人當然唔少得每日 Check Email 啦！除了 Check 機票有無更改，仲要睇工作上的 Email，不連附件電郵每封只佔 50KB，每日可以查看 6000 封，如果連埋附件每封亦只佔 400KB，每日可查看 750 封電郵!

辛尼評論：去得越多日就越平

以往各位 wire 民都覺得漫遊數據費太貴，才轉用 WiFi 蛋或當地儲值咭，但現「無形 WiFi 蛋」採用固定漫遊日費，變得更有競爭力，更可以 Hotspot 分享給多個朋友用，連費用都可以齊攤分，仲無需換 SIM 卡，比 WiFi 蛋同買當地 SIM 卡，其實方便更多！但要真是慳得最多，用多幾日就越化算，因為從第 5 日開始就只需半價，如果去 10 日歐洲就可以慳更多。各位 wire 民想知更多詳情，可以 Click 去以下網址睇睇。

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post SmarTone 全新「無形 WiFi 蛋」低至 5 折　機蛋合一夠哂方便 appeared first on UNWIRE.HK 玩生活‧樂科技.

資料來源: unwire.hk

隨著近年越來越廠商推出的手機都採用曲面螢幕，可見柔性螢幕的需求已日漸增加，再加上廠商不設螢幕生產線而需要從外面採購，因此長遠而言生產柔性螢幕或可帶來可觀收入。至於 LG 亦可能看上了其發展潛力，因為他們較早前就宣佈將會斥巨資建立一條手機柔性 OLED 螢幕生產線，極有可能是為將來的 IPHONE 做好準備。

根據 LG 公開的聲明顯示，LG Display 將會投資約 17 億美元（約 132 億港元）去建立一條新螢幕生產線，而且當中更特別強調相關的生產線主要會用來製造手機用的柔性 OLED 螢幕。值得留意的是雖然 LG 生產出來的柔性 OLED 螢幕可以供自家的手機使用，比如過去他們就曾經推出過 G Flex 及 G Flex 2 兩款可彎曲手機。不過有鑑於今次的投資金額相當龐大，所以可以想像得到生產出來的螢幕更多可能是提供給其他廠商。

至於 LG 供貨的主要對象，毫無疑問 apple 應該會是最大的買家。皆因之前有傳聞指 apple 已計劃於 2018 年時將 IPHONE 改用全新的 OLED 螢幕，而該螢幕亦有可能會採用曲面設計，加上 LG 表示今次這條生產線將會於 2018 年下半年開始啟用，時間上未免太過巧合。此外，留意 LG 早於去年 11 月就曾經宣佈將會投資 89 億美元去興建 OLED 螢幕新廠房，而今次的生產線正正就會設於其中。

來源：LG Display

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post 為 iPhone 做好準備？LG 宣佈投資 17 億美元增設柔性 OLED 螢幕生產線 appeared first on UNWIRE.HK 玩生活‧樂科技.

資料來源: unwire.hk

人體排出來的尿液，通常大多數人都會覺得是廢物、污糟及毫無用處，或者頂多會認為可以用來施肥。不過其實只要善加利用，尿液亦一樣可以變得有價值。比如早前有比利時研究人員就發明了一部以太陽能作為動力的機器，能有效將尿液轉化為食水及肥料，在部份地方及場合下尤其有用。

據了解今次這項技術是由比利時根特大學的研究團隊發明，並且已在早前當地舉行的一個為期 10 日的音樂節上應用，當時他們就收集了到場者所排泄出的尿液，然後再利用相關技術成功將之轉化為 1,000 公升的食水。參與計劃的團隊成員之一 Sebastiaan Derese 表示，由於整個轉化過程相當簡單，而且亦只需用上太陽能，所以不但相信環保，而且對於一些缺水及經常缺電的發展中國家更是相當有用。

至於實際的轉換過程，則主要是依靠一種特殊薄膜。據了解收集回來的尿液將會透過太陽能加熱，而之後當尿液通過薄膜之後，即可以過濾走當中超過 9 成的氨（ammonia）及其他有害物質，而且該部機械更相當節能極具效率，既可以分隔出能飲用的食水，過濾走的鉀、氮及磷又能製成農業用肥料。此外，研究團隊最近亦與當地的啤酒廠合作，並已將之前在音樂節上轉化出來的 1,000 公升食水用來製成啤酒出售。

來源：Engineering and Technology Magazine

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post 己製成 1,000 公升啤酒！新方法有效將尿液轉化為食水及肥料 appeared first on UNWIRE.HK 玩生活‧樂科技.

資料來源: unwire.hk

大陸召車巨頭滴滴出行宣佈與 Uber 達成戰略協議，滴滴出行將以股權交換的形式收購 Uber 中國的品牌、業務、數據等在中國大陸運營的全部資產，Uber 中國在未來將仍保持品牌和運營的獨立性。合併後，新公司估值將達到 350 億，滴滴出行也因此成為唯一一間獲得騰訊、阿里巴巴和百度共同投資的公司。

根據滴滴出行的官方聲明，雙方完成交易後，Uber 全球將持有滴滴 5.89% 股權，相當於 17.7% 經濟權益，Uber 中國的其餘中國股東將獲得合計 2.3% 的經濟權益。此外，滴滴出行創始人兼董事長長程維將加入 Uber 全球董事會，Uber 創始人 Travis Kalanick 也將加入滴滴出行董事會。

而在今日早些時間，一篇疑似由 Uber 執行總裁 Travis Kalanick 撰寫的博客在網上瘋傳，文中稱 Uber 與滴滴出行在中國投入幾十億資金，但兩間公司仍未實現盈利，「產生盈利能力是唯一使業務可持續發展的方法，並在長遠為中國的乘客、司機和城市提供最好的服務」。滴滴出行副總裁陶然當時仍表示並不清楚網上流傳的博客來歷，早前已澄清過關於滴滴出行與 Uber 中國合併的謠言。

其實對於兩間公司不斷燒錢爭鬥，就如 UNWIRE 同事 Dennis 所說「Uber 放手亦不見得是件壞事」，兩間公司合併是否實現雙贏暫時未知，但至少，不用再繼續雙輸。

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post 滴滴出行宣布收購 Uber 中國業務，合併後估值達 350 億美金 appeared first on UNWIRE.HK 玩生活‧樂科技.

資料來源: unwire.hk

在空中飛行一直以來都是人類的夢想，可惜礙於身體構造的關係，所以即使是跳傘或滑翔飛行員，依然需要靠降落傘或飛行翼減速降落。不過來自美國的職業跳傘員 Luke Aikins，昨日就完成了一項壯舉，因為他竟然未有帶降落傘就從 25,000 呎高空跳落去後，最後更安然無恙成功著陸地面。

Luke Aikins 在美國其實都有一定知名度，因為他除了是美國跳傘協會的安全和培訓顧問外，之前亦曾經負責過《Iron Man 3》電影的特技部份。至於今次其挑戰絕對是嘆為觀止，皆因一般的跳傘員都會選擇在 13,000 呎處跳下，但 Luke Aikins 今次就反而從 25,000 呎高空上跳下。最後在沒有帶降落傘的情況下，Aikins 竟然準確地降落在卸力用的安全網上，留意該安全網面積只有 1 萬平方呎，大約只有三分之一個美式足球場大，若然一個不小心偏離目標，那 Aikins 就肯定會粉身碎骨。

此外，在加利福尼亞沙漠完成這項挑戰之前，Aikins 事前原本被勒令必須穿上降落傘，以確保一旦有任何意外都可以開降落傘保命。不過去到正式跳出飛機前的 1 分鐘，Aikins 卻突然決定除下降落傘，令到挑戰更添刺激性。幸好最後 Aikins 在三位同伴的協助下，透過 GPS 裝置成功對準安全網降落，並成為了全球首位不使用降落傘及飛行翼都可成功著陸的人。

來源：New York Times

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post 【有片睇】25,000 呎一躍而下！美國跳傘高手唔用降落傘成功安全著陸 appeared first on UNWIRE.HK 玩生活‧樂科技.

資料來源: unwire.hk

之前一直已講 LeSports 已取得未來三年的英超播映權，今日 LeSports 香港就正式開台，並舉行了盛大的記者會。除了宣佈開台外，LeSports 還宣佈推出一系列的全新優惠，睇一年英超已可送最新 Le 2 超級手機，加少少錢仲要送埋部 Super4 X43 超級電視，計埋都唔洗 3K，真係抵玩！

睇英超送手機 + 電視超抵玩

根據 LeSports HK 的新聞稿表示，最新推出的這個超級體育組合，只要以優惠價 $2,490 訂足一年超級體育組合，不但會附送 3 個月超級影視服務，可以同時睇美劇韓劇或者海外電影等，還會附送一部超級手機 Le 2、Le TV Box (4K 標準版) 電視盒及 Type-C 數碼線控耳機，加多 $509 仲要送埋超級電視 Super4 X43，呢個價只係單買部 Super4 X43 多少少就有齊電視盒、電視同埋手機，真係抵過單買！另外，如果大家買足 3 年，最抵嘅 package 仲可以送埋超級電視 Super 4 X43Pro 加上超級手機 Le Max2，都只係 $7,470。值得留意的是，超級體育組合可以睇到的體育節目，除咗大家都知道的英超外，仲包括：英格蘭足總盃、中超、MLB、南美自由盃、巴西盃、國際馬術聯合賽比賽、美國國家籃球隊比賽及 US Open 等賽事。

如果大家都係嫌貴，LeSports HK 都有推出單睇英超的英超狂睇組合，只需要 $1,690，已經可以睇足呢個組合一年，仲要包括 3 個月可以睇超級香視服務，另外仲要送埋 Le TV Box (4K 標準版)、LeMe2 藍牙耳機、8,000mAh 容量流動充電器及藍牙隨身喇叭，最貴買足 3 年英超仲送埋超級電視 Super4 X50 Pro 4K 電視，都只係 $5,070。不過筆者覺得都係超級體育組合睇落抵好多。

有興趣的 wire 民，只要在 8 月 2 日開始至 8 月 9 日，就可以買到以上優惠組合，詳情大家可以 <點按此> 瀏覽 LeSports HK 網頁。

• 不想錯過新科技 ? 請 Follow unwire.hk FB 專頁
http://facebook.com/unwirehk/

The post 睇英超送電視 + 手機！LeSports 正式開台 appeared first on UNWIRE.HK 玩生活‧樂科技.